weil wir bessa san eus der christkindsaboteur,

der maant weihnoacht sei a muats malör,

demm soages eini i schwör,

denn mei gedicht, reimt se auf vier zeilen - bitte söhr:

juhu xmas

elfriede aus himmelreich

 

des wichtigste i soags wias is, a schäna baam, a tanne, oda fichtn,

zum fest am vierazwanigstn koann i auf nix vazichtn,

koa keksal, punsch und likörchen ohne end vanichtn,

und auf meim juhu-xmas-blog 24/7 live berichtn.

 

kugal, sterne, schokoschirme, ringal aus gelee und glockn,

bringan mi scho mitte oktoba zum verlockn,

i strick rote bommelhaubm und grelle bunte sockn,

schneibts scho? wirds scho wattig weiss? wo sann de dicken flockn?

 

des erste blech ist fertig - mah wia des riacht, pure happiness call gingerbread,

bei uns soagt ma lebkuchn owa de gepimpte überseeversion is a ned bled,

der frische ingwer und der chilly brennan auf da funge owa es gehd,

bau i glei a goanzes haus aus pfefferkuchn, beleichts vo innen mit led!

 

sodalla, der baam er stehd und a de söwa baude krippm,

beim bastln bisserl alohol dawischt, des stehd de figurn ned guad ins gsicht,

da esl grinnst wia a debile pippm, maria hoad a dicke schlauchbootbotoxlippm,

josef und da ochs liegn in da wippm, pfuh, auf des muass i nu a stampal kippm.

 

und bevor meine gäste kumman, heia owa nur sechs leit,

gönn i ma nu an eierpunsch, der hoad heia bumms, bist du gscheit.

in a poar stunden is - i gfrei mi so - wiedameu so weit,

glockerl leit, christkind is nimma weit, i bin bereit und a klanes bissal breit!

 

wir heutn oabstoand weil distance heud so gehd,

de brennadn kerzal zu de astal owa ned, 

de sterndlspritza funkn fliang wia bled,

iats ned so supa das mei baam scho seit novemba stehd.

 

und weil staubtrockena reisig null, nada gnade kennd,

pufff und zisch - is iats echt mei schäna baam oabrennd.

des is iats ziemlich übel grennt und in da grippm dezent oangesengt, 

des heilige poar schaut aussa wia de barby und da kent!

 

wurscht! a feichtfröhlichs festl wirds a heia wieda wern,

den oabrenntn bamm koann i leicht entbern,

werd ma nu a poar schluckal vom eierpanschal owelehrn,

und doann de vakeudn krippmpopfa aussikehrn.

 

mei eiaeiaeiadings is echd a börna, muass i mi afochsöwalom,

greifma des driddee flascherl, stehd am eibauschroankdrobm,

da lift foahrd bei mir heid sowieso nimma bis goanzobm,

ehegal, egal! mit 4 promü is weihnoachtn auf nexes joahr vaschom!

 

weg issss llllleze schluggerl vo meim eiakilla,

schleich iiiii mi. pssssd! zur middernacht aus meina villa,

hi ... hi... hiiinaus in meim (schööön sprechn) meinen garten,

und loass mei raktenarsenal mit bummms und dings pffffft starten.

 

scheiss oah auf de heilie mitternoachtsmettn,

bei mir fliang de kroacha um de wettn,

xmas und silvesta auf an tusch vorbei,

bisudeppad bums die henn, nexes joahr gibs nix mit ei!

 

okilidokili. fohes fess und gudnrusch!


Download
zum lesen & ausdrucken
juhu_xmas_a4.pdf
Adobe Acrobat Dokument 112.4 KB